بصراحة كدة أنا مش عارف أبدأ منين بس نتوكل على الله ونبدأ. النهاردة 9/10/2008 وده مش يوم تاريخى ولا أى حاجة بس اللى مخلى اليو م النهاردة له طعم تانى إن الجو هنا ف المدينة الفاضلة القاحلة أسيوط زى الفل على غير العادة. المهم أنا بقالى فترة عاوز أعمل مدونة زى بقية خلق ربنا بس متردد شوية أصل الدنيا زحمة مووت على النت ومفيش مكان الواحد يقف فيه. معرفش إزاى وقعت هنا بس المهم إنى قررت أجرب مبدئيا الدنيا هنا شكلها ها يبقى إزاى. فكرة المدونة جديدة أوى وما أفتكرش إن فى بنى آدم ف مصر فكر فيها. نكتفى كدة النهاردة ونجرب الدنيا شكلها ها يبقى إزاى وبعدين نكمل كمان شوية ما أنا فاضى والواد بتاع كوك دوور ها ييجى الساعة خمسة ونص. باى